काठमान्डौं । नेपाल राष्ट्र बैंकको डेपुटी गभर्नरमा किरण पण्डित नियुक्त भएका छन्। मंगलबार बसेको मन्त्रिपरिषद्को बैठकले रिक्त रहेका दुई पदमध्ये एकमा पण्डितलाई नियुक्त गर्ने निर्णय गरेको हो।
सरकारले लामो समयदेखि रिक्त रहेको उक्त पदमा नियुक्ति प्रक्रिया अघि बढाउँदै पण्डितलाई जिम्मेवारी दिएको हो। नेपाल राष्ट्र बैंकको नीति निर्माण, मौद्रिक व्यवस्थापन तथा वित्तीय स्थायित्व कायम राख्न डेपुटी गभर्नरको भूमिका महत्वपूर्ण मानिन्छ ।
यसैबीच, अर्को रिक्त रहेको डेपुटी गभर्नर पदमा भने हालसम्म नियुक्ति गरिएको छैन। उक्त पदमा नियुक्तिका लागि सरकारको थप निर्णय आउन बाँकी रहेको जनाइएको छ। नवनियुक्त डेपुटी गभर्नर पण्डितले आफ्नो कार्यकालमा बैंकिङ क्षेत्रको सुधार, वित्तीय अनुशासन तथा आर्थिक स्थायित्वमा योगदान पुर्याउने अपेक्षा गरिएको छ।
