काठमाडाैं । रोल्पामा हिजो भएको जीप दुर्घटनामा परी २० जनाको मृत्यु भएको छ ।
उद्धार तथा खोजतलासका क्रममा २० जनाको शव घटनास्थलमा फेला परेको जिल्ला प्रहरी कार्यालय रोल्पाका सूचना अधिकारी एवं प्रहरी निरीक्षक सुनिल थापा नेपालीले जानकारी दिएका छन् ।
रुकुम पूर्वबाट रोल्पाको थवाङ गाउँपालिकाको जलजलातर्फ जाँदै गरेको लु १ ज ४१६७ नम्बरको जीप हिजो दिउँसो रोल्पाको थवाङ गाउँपालिका–१ सल्याप भन्ने ठाउँमा भिरबाट ८०० मिटर तल खसेर दुर्घटना भएको प्रहरी निरीक्षक थापाले बताएका छन् ।
दुर्घटना लगत्तै जिल्ला प्रहरी कार्यालय रोल्पाका प्रहरी प्रमुख विरेन्द्र विश्वकर्मा नेतृत्वको टोली घटनास्थल पुगी उद्धार तथा खोजी कार्यमा खटिएको र आज सबै सव परिवार्लाई जिम्मा लागाइने बताइएको छ । त्यस्तै उक्त
दुर्घटनामा मृत्यु हुनेमा एकै परिवारका ६ जना रहेकाे समेत बताइएकाे छ ।
